Podcast episode 06 – මලින්ත සමරකෝන්: බ්ලොග් කරුවකු සමග සංවාදයක්

මෙවර වැඩ සටහනින් අපි මලින්ත සමරකෝන් සමග සංවාදයක යෙදුණා.

මෙහිදී මලින්ත බ්ලොග් අවකාශයට පිවිසුණු ආකාරය, ඒ සමඟ ඔහුට ඇති අත් දැකීම් සහ තවත් බොහෝ දෑ පිළීබඳව අපි සංවාදයේ නිරත වුණා.

තවද ඔහු මූලිකත්වය ගෙන සිදු කළ wordpress සිංහල පරිවර්තන කටයුත්ත අපේ අවධානයට යොමු වුණා.

මෙහිදී ප්‍රකට මැගි ආච්චි ගේ හෑල්ල බ්ලොග් අඩවිය ගැනත් අපි ඔහුගෙන් විමසා සිටියා.

මලින්ත කියවන බ්ලොග් අඩවි කිහිපයක් තමයි මේ

lifehacker
Gizmodo
engadget
Oddee

අහන්න:

බාගන්න | Download

mp3 ගොනුව 27.2MB [Right click කොට save as හෝ save link as විධානය දෙන්න]

ogg ගොනුව 11MB අඩු බර නිකුතුව [Right click කොට save as හෝ save link as විධානය දෙන්න]

ධාවන කාලය මිනිත්තු 29.43

Podcast episode 05 – ඔබේ පළමු පියවර : බ්ලොග් අඩෙවියක් අරඹමු

බ්ලොග් අඩෙවියක් අරඹන්නේ කොහොම ද? blogger.com සමගින් නිදසුනක්.

Microsoft Word හි සිට පවා බ්ලොග් ලියා පළ කළ හැකි පහසුකම් : Blogger for Word

බ්ලොග් අඩෙවියක් ආරම්භ කළ පසු

සිංහලෙන් බ්ලොග්.

ඔබේ පරිගණකයේ සිංහල ස්ථාපනය කරගන්න : සියබස් අඩෙවිය

සිංහලෙන් ටයිප් කිරීම පිළිබඳ වැඩිදුර උපදෙස්

තවත් බොහෝ උපදෙස් සිංහල බ්ලොග්කරුවන්ගේ සංසද වෙබ් අඩෙවියෙන් සහ sahithya.lk වෙතින්.

සෙවුම් යන්ත්‍ර සඳහා වඩා හොඳින් ලිපි ලේඛන හා සටහන් සැකසීමේ වැදගත්කම. නිසි පාරිභාෂික පද හා නිවැරදි අක්ෂර වින්‍යාසය යොදාගැනීමේ වැදගත්කම. ගූගල් නමැති පාඨකයා සඳහා කල් පවත්නා ලිපි ලිවීම.

සාහිත්‍ය.lk, සිංහල බ්ලොග් කියවනය, kottu වැනි බ්ලොග් සින්ඩිකේටර

MyBlogLog, Blog Catalog සහ සිංහල බ්ලොග්කරුවන්ගේ සංසදය වැනි බ්ලොග් ප්‍රජාවන් සහ සමාජ ජාල.

තවත් බ්ලොග් ජාල ලැයිස්තුවක්.

පාසැලකට, අධ්‍යාපන ආයතනයකට හෝ වෙනත් ප්‍රජාවකට සීමා වුණු විශේෂ බ්ලොග් අවකාශ.

මේ සියල්ලට යන වියදම කුමක් ද? බ්ලොග් අඩෙවියක් නිර්මාණය කොට පවත්වාගෙන යාම සඳහා කිසිදු මුදලක් වැය වන්නේ නැහැ. blogger.com, wordpress.com, livejournal.com, blogsome.com වැනි සියලු ප්‍රධාන බ්ලොග් සේවා සපයන්නන් වෙතින් නොමිලේ අංගසම්පූර්ණ බ්ලොග් අඩෙවියක් ලබාගන්නත් පවත්වාගෙන යන්නත් පුළුවන්.

අවසාන වශයෙන් සාහිත්‍ය.lk අඩෙවියේ මාධ්‍ය හමුව පිළිබඳවත් ඔවුන්ගේ බ්ලොග්කරණ තරගාවලිය පිළිබඳවත් සිහිපත් කිරීමක්.

අහන්න :

බාගන්න | Download

mp3 ගොනුව 33MB [Right click කොට save as හෝ save link as විධානය දෙන්න]

ogg ගොනුව 13MB අඩු බර නිකුතුව [Right click කොට save as හෝ save link as විධානය දෙන්න]

ධාවන කාලය මිනිත්තු 36.30

Podcast episode 04 – ප්‍රතිචාරාවකාශය : comments ගැන

සාහිත්‍ය.lk ඉදිරිපත් කරන බ්ලොග්කරණ තරගාවලිය නිමිතර කරගෙන බ්ලොග් අවකාශයට පිවිසෙන නවකයන් උදෙසා අප ඇරඹූ වැඩසටහන් පෙළේ අලුත් ම පියවර.

බ්ලොග් අවකාශයේ ප්‍රතිචාර හෙවත් comments ගැන කෙටි වැඩසටහනක්.

ප්‍රතිචාර ලියන්නෙ කොහොමද?

බ්ලොග් අවකාශය තුළ ප්‍රතිචාරකරුවන්ගේ තත්වය.

නිර්නාමිකත්වය, කැතී සියෙරා සිද්ධිය සහ බ්ලොග්කරුවන් සඳහා යෝජනා වූ ආචාරධර්ම පද්ධතිය පිළිබඳ කතා.

Disqus, Intense Debate වැනි ප්‍රතිචාර කළමනාකරණය කිරීමේ පද්ධති

කියවන දෑ බෙදාහදා ගැනීමේ social book marking අඩෙවි

Delicious

Friendfeed සහ Facebook ආදියෙන් ද සැදුම් ලත් ප්‍රතිචාර දැක්වීමේ සංස්කෘතිය.

තවත් විස්තර

අහන්න

බාගන්න | Download

mp3 ගොනුව 14MB [Right click කොට save as හෝ save link as විධානය දෙන්න]

ogg ගොනුව 5.59MB අඩු බර නිකුතුව [Right click කොට save as හෝ save link as විධානය දෙන්න]

ධාවන කාලය මිනිත්තු 15.06

.

Podcast episode 03 – අගනගරයේ සිට ගම් දනවු දක්වා : බ්ලොග් අඩෙවි පහසුවෙන් සොයාගැනීම සහ පරිශීලනය

අද අපි මුලින් ම කතා කරන්නේ බ්ලොග් අඩෙවියක් හඳුනාගන්නේ කොහොමද කියන ප්‍රශ්නය. ඒ සමග ම කාර්යක්ෂම ආකාරයට විවිධ පාඨකයින්ගේ විවිධ අවශ්‍යතා අනුව සුදුසු බ්ලොග් අඩෙවි සොයාගෙන, කියවන විවිධ ක්‍රම සහ විධි ගැන කතාබහක්.

ඒ සාකච්ඡාව පටන්ගන්නේ බ්ලොග් අවකාශයේ අගනගරයෙන් - ටෙක්නොරාටි (technorati.com)වෙබ් අඩෙවිය, එහි සෙවුම් යන්ත්‍රය සහ ප්‍රජාව ගැන හැඳින්වීමකින්. විවිධ බ්ලොග් අඩෙවි ඉතා පහසුවෙන් විවිධ විෂය කාරණා අනුව සොයාගන්නත්, කියවන්නත් තවත් අය සමග ඒවා බෙදාහදාගන්නත් පහසුකම් එම අඩෙවියේ තිබෙනවා. ඔබ එහි සැරිසැරුවොත් මේ කෙටි විස්තරයට අමතර විවිධ අගනා සේවා ගණනාවක් දැකබලාගන්න පුළුවන්

Technorati.com

විවිධ විෂයයන් යටතේ ලොව වටා බ්ලොග් – http://technorati.com/blogs/directory/

වඩාත් ජනප්‍රිය බ්ලොග් – http://technorati.com/pop/blogs/

මේ අපේ ටෙක්නොරාටි පිටුව – http://technorati.com/people/technorati/Debasa ඔබත් පිටුවක් හදාගෙන අපවත් එක් කර ගන්න

ඔබේ බ්ලොග් අඩෙවිය අලුත් කළ පසු ටෙක්නොරාටි අඩෙවියට විශේෂයෙන් දන්වන්න මේ පිටුව යොදාගන්න : http://technorati.com/ping/

ඉන් පසු

RSS පිළිබඳ සරල හැඳින්වීමකට පසු ගූගල් කියවනය හෙවත් Google Reader නමැති පෝෂක කියවනය ගැනත් එමගින් පලදායී ලෙස බ්ලොග් අඩෙවි සංවිධානය කරගෙන කියැවීම් ලැයිස්තුවක් පවත්වාගෙන යාමේ වැදගත්කම ගැනත් අපි කතා කරනවා. මේ තියෙන්නෙ ගූගල් කියවනගේ ඇතුළත.

පහත දැක්වෙන්නේ පෝෂක කියවන කිහිපයක්. මේවාට බ්ලොග් අඩෙවිවලට අමතර ව විවිධ පුවත් සේවා හා නානා ප්‍රකාර වෙබ් අඩෙවිවල rss පෝෂක එකතු කරගත හැකියි :

Google Reader

Bloglines

පෝෂක කියවන ලැයිස්තුවක් (විකිපීඩියා වෙතින්)

විවිධ කියවන එකිනෙක සැසඳීමක්

ඉන් පසු

බ්ලොග් සින්ඩිකේටර - WordPress.com, සිංහල බ්ලොග් කියවනය, කොත්තු සහ අච්චාරු වැනි ස්ථාන.

Firefox බ්‍රවුසරය (මේ රූපයේ කවයකින් වට කොට දක්වා ඇත්තේ rss පෝෂකයක් අදාළ පිටුවට තිබෙන බවට බ්‍රවුසරය අපට දන්වන ස්ථානයයි. ඊතලයෙන් පෙන්වා තිබෙන්නේ පෝෂක කියවනයක් ලෙස බ්‍රවුසරය භාවිත වන අන්දමයි. විශාලය සඳහා රූපය මත ක්ලික් කරන්න)

Google Blog Search සෙවුම් යන්ත්‍රය සහ blog alerts මගින් වඩා පුළුල් ආකාරයෙන් බ්ලොග් සොයාගෙන කියවීම. ඔබ කැමති ඕනෑ ම පදයක් වදනක් හෝ වැකියක් බ්ලොග් අවකාශයේ කොතැනක හෝ ලියැවුණ සැණින් ඒ බව දැන ගැනීමට ගූගල් බ්ලොග් සෙවුම සහ Google Reader භාවිත කරන අන්දම. නිශ්චිත සෙවුම් ප්‍රතිඵලයකට අදාළ rss පෝෂකය කියවනයට එක් කරගත හැකි තැන පහත රූපයේ ඊතලයෙන් දක්වා තිබෙනවා.

අවසාන වශයෙන් Facebook සහ වෙනත් අඩෙවි හරහා බ්ලොග් වැඩිදුරටත් ජාලගත වන අන්දම.

.

අහන්න :

බාගන්න | Download

mp3 ගොනුව 29MB [Right click කොට save as හෝ save link as විධානය දෙන්න]

ogg ගොනුව 12.MB අඩු බර නිකුතුව [Right click කොට save as හෝ save link as විධානය දෙන්න]

ධාවන කාලය මිනිත්තු 32.06

.

Podcast episode 02 – බ්ලොග් වනාහි …

බ්ලොග් අඩෙවියක් යනු කුමක් ද යන ප්‍රශ්නයත් බ්ලොග් අඩෙවිවල ඉතිහාසයෙන් බිඳකුත් සාකච්ඡා කිරීමෙන් මෙවර වැඩසටහන ආරම්භ වෙනවා. බ්ලොග් කියන්නෙ තවත් වෙබ් අඩෙවි විශේෂයක්. ඒත් බ්ලොග් අඩෙවි සාමාන්‍ය වෙබ් අඩෙවිවලින් වෙනස් වෙන්නෙ කොහොම ද? ඒවායේ තිබෙන සුවිශේෂ ලක්ෂණ මොනවා ද?

ඉන් පසු ජෝන් බාගර් මහතාගේ මුල් ම බ්ලොග් අඩෙවිය, ඕපන් ඩයරි, ලයිව් ජර්නල් හා වෙනත් සමාරම්භක බ්ලොග් සේවා හරහා වර්තමාන ස්වරූපයේ බ්ලොග් දක්වා සමාලෝචනයක්. අන්තර්ජාලයේ ලියැවෙන දිනපොතක සිට සංකීර්ණ ලිපි ලේඛන, සාහිත්‍ය කලා නිර්මාණ, පතපොත හා බහුමාධ්‍ය (multimedia) රැගත් අඩෙවි දක්වා බ්ලොග්කරණය.

1997 වසරේ මුලින් ම “වෙබ්ලොග්” (weblog) යන පදය භාවිතයට ගත් ජෝන් බාගර්

මුල් ම බ්ලොග් අඩෙවියෙන් “පිටුවක්” විශාලනය සඳහා රූපය මත ක්ලික් කරන්න :

ඔහුගේ බ්ලොග් අඩෙවියේ ලේඛනාගාරය Robert Wisdom Homepage

වැඩි විස්තර

තවත් විස්තර

එදා බාගර් වෙබ්ලොග් නිර්වචනය කළ හැටි

මුල් ම බ්ලොග් සේවා සමහරක්

Open Diary (1998)

Livejournal (1999)

Blogger.com (1999) පහත තියෙන්නෙ එදා එහි මුල් පිටුව පෙනුණු හැටි!

ඉන් පසු බ්ලොග් අඩෙවියක ස්වරූපය ගැන තවදුරටත් කතා කරන අපි සාම්ප්‍රදායික ජනමාධ්‍ය සහ බ්ලොග් අඩෙවි ගැනත් සැකෙවින් විමසා බලනවා.

BBC, New York Times වැනි ප්‍රකට මාධ්‍ය ආයතන බ්ලොග් අඩෙවි යොදාගන්නා අන්දම. මාධයයක් හැටියට එහි පවතින සංවිධිත බව හා වේගවත් බව.

ප්‍රකාශන අවකාශ හා නිදහස අසීමිතාකාරයෙන් විවෘත වීම හා ප්‍රකාශනයේ, සාහිත්‍යකරණයේ සහ ජනමාධ්‍යකරණයේ ගුණාත්මක වෙනස් වීම.

බ්ලොග්කරණය අපේ සංස්කෘතික ජීවිතයට සහ සංස්ථාවන්ට අනතුරක් ද? ප්‍රතිචාර සහ බ්ලොග් අඩෙවි මත හටගන්නා සංවාද ගැන කිව හැක්කේ කුමක් ද?

අහන්න :

බාගන්න | Download

mp3 ගොනුව 28.9MB [Right click කොට save as හෝ save link as විධානය දෙන්න]

ogg ගොනුව 11 MB අඩු බර නිකුතුව [Right click කොට save as හෝ save link as විධානය දෙන්න]

Podcast episode 01 – පළමු වැඩසටහන : sahithya.lk සහ වෙනත් කතා

මේ අපේ පළමු වැඩසටහන. අද අපි මුලින් ම කරන්නේ දෙබස පොඩ් විකාශය හඳුන්වා දෙමින් එහි අරමුණු පැහැදිලි කිරීම.  ඉදිරි වැඩසටහන්වලදී සාකච්ඡා කරන්න බලාපොරොත්තු වෙන්නෙ මොන වගේ කරුණු කාරණා ද? මේ වැඩසටහනේ පසුබිම කුමක් ද?

ඉන් පසු විශේෂ සාකච්ඡාවක්. මේ අවස්ථාවේ මෙවැනි පොඩ් විකාශයක් නිකුත් කරන්න හේතු වුණේ විශේෂ කාරණයක්. ඒ තමයි කොළඹ රාජකීය විද්‍යාලයීය සිංහල භාෂා හා සාහිත්‍ය ඒකකය ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (icta) සමග එක් ව දියත් කරන්නට යෙදුණු බ්ලොග්කරණය තේමා කරගත් සාහිත්‍ය උළෙල. එයට සමාන්තර ව ඔවුන් බ්ලොග්කරණය, සිංහල යුනිකේතය සහ අන්තර්ජාලගත ප්‍රකාශනය ව්‍යාප්ත කිරීමේ අරමුණින් බ්ලොග්කරණ තරගාවලියක් ද සංවිධානය කරලා.

එනිසා අපි එහි  සංවිධායක කමිටු සාමාජිකයකු වන සුපුන් සුදාරක සමග සම්මුඛ සාකච්ඡාවක් පටිගත කළා.

එහි දී ඔහු සාහිත්‍යය, අන්තර්ජාලය හා බ්ලොග් අවකාශය යා කරමින් අලුතින් ආරම්භ කෙරුණු sahithya.lk වෙබ් අඩෙවිය ගැනත් ඔවුන් සංවිධානය කරන බ්ලොග්කරණ තරගාවලිය ගැනත් විස්තර කරනවා.

ඉතින් මේ තරගාවලිය වටා අලුතින් බ්ලොග් අවකාශයට එක් වන සිසු සිසුවියන් හා ආධුනිකයින් වෙනුවෙන් අපේ දෙබස පොඩ් විකාශයේ ඉදිරි වැඩසටහන් කිහිපයක් ම වෙන් කරන්නයි සූදානම.

ඉදිරි වැඩසටහන් ඔස්සේ බ්ලොග් අඩෙවියක් යනු කුමක්ද, බ්ලොග් අවකාශය, බ්ලොග් පරිශීලනය, බ්ලොග්කරණය හා සාහිත්‍යය, බ්ලොග්කරණය හා ජනමාධ්‍යකරණය, web 2.0 සහ බ්ලොග් අවකාශයේ විවිධ ප්‍රවණතා ආදී මාතෘකා සරල ව සාකච්ඡා කරන්න බලාපොරොත්තු වෙනවා.

අහන්න :

බාගන්න | Download

mp3 ගොනුව 31.7MB [Right click කොට save as හෝ save link as විධානය දෙන්න]

ogg ගොනුව 12.8M අඩු බර නිකුතුව [Right click කොට save as හෝ save link as විධානය දෙන්න]

ධාවන කාලය මිනිත්තු 34.40

දෙබස ඇරඹෙයි

බ්ලොග් අවකාශය පිළිබද සංවාදශීලි හමුව, දෙබස පොඩ් විකාශය අද පටන් ආරම්භ වෙනවා. තව ස්වල්ප වේලාවකින් අපේ පළමු වැඩසටහන ජාලගත කිරීමට සියලු කටයුතු සූදානම්. අප සමග රැඳීසිටින්න.